شن الإعلامي أحمد شوبير نجم الأهلي السابق، هجوما قويا على فريق بيراميدز ورمضان صبحي لاعب الفريق، بسبب النتائج السيئة التي يقدمها الفريق السماوي في الفترة الحالية ببطولة الدوري، رغم التدعيمات القوية التي ابرمها مع بداية الموسم.

وتلقى فريق بيراميدز خسارة جديدة أمام انبى بثلاثة أهداف مقابل هدفين في المباراة التي أقيمت بينهما على ستاد بتروسبورت بالتجمع الخامس، ضمن مباريات الأسبوع الحادي عشر من مسابقة الدوري الممتاز.

وتقدم محمود وادى مهاجم فريق بيراميدز في الدقيقة 6 بمرمى محمود جاد حارس مرمى فريق بينما تعادل رامى صبرى مدافع الفريق البترولى بالدقيقة 42 بينما احراز المهاجم أوبوكا هدف التقدم لفريق إنبى في الدقيقة 43 وعزز اللاعب أيضا بالهدف الثالث عقب أنطلاق الشوط الثانى بالدقيقة 48 بينما قلص الأوروجواني دييجو رولان مهاجم فريق بيراميدز الفارق لهدف بالدقيقة 63.

شوبير يعطي رمضان درسا قاسيا

وابدى احمد شوبير غضبه من تراجع مستوى رمضان صبحي بشدة، ولم يفيد فريقه خلال مواجهة إنبي ونفس الامر لم يظهر بالمستوى المطلوب في المباريات الماضية، قائلا: "اللى عرفناه أن رمضان زعلان عشان كان عايز يلعب عشان بينافس على هداف الدورى، فقولنا طالما بيريحه يبقى مش هيلعب لكنه نزل بديل لعب نص ساعة".

وأوضح احمد شوبير: "رمضان لعب إمبارح 30 دقيقة ومفيش إنتاج تحس أنه اسم فقط لكن مفيش فعل، دماغه مش معاه، أتوقف أمام الزمالك وملعبش وأمام الأهلى معملش حاجة، وجاب خمسة أهداف سهلة مفيهاش هدف صعب، رمضان صبحى بيلعب باسمه فقط لكن لا ينتج فى الملعب بما يناسب أسم رمضان صبحى".

هذا سر أزمة بيراميدز

وكشف أحمد شوبير عن سر أزمة بيراميدز التي يعاني منها وتراجع النتائج ونزيف النقاط الشديد الذي يراه الجميع قائلا: "مشكلة بيراميدز فى أوضة اللبس، لما جابوا لاعيبة الأهلى قالوا عايزين نتقل أوضة اللبس ونضيف ليها الخبرات وخرج وقتها رمضان صبحى قال روحت بيراميدز عشان الطموح، امبارح بسأل على الخبرات لقيت عبد الله السعيد وأحمد فتحى مصابين ولقيت رمضان صبحى على الدكة فقولت للمراسل شوف مش بيلعب ليه قالوله أصل المدرب بيريحه عشان مرهق".

وشدد "شوبير: "شريف إكرامى لا يسأل عن الثلاثة أهداف لإنبى لكن ليا عتاب ليه رامى صبرى بيسدد ركلات الجزاء بطريقة بانينكا فى كل المباريات وبالتالى لازم شريف كان يبقى عارف كدا، بس هو خد 3 خطوات قدام وبقى ليه تفكيرين فى اللحظة الأخيرة وعشان كدا كان زعلان أنه معرفش يعمل حاجة ودخلت ركلة الجزاء مرماه".

وانهى احمد شوبير حديثه: “ما حدش عارف فيه ايه وايه اللي بيحصل في بيراميدز، واتوقع حدوث تغييرات على المستويين الإداري والفني، خلال الفترة القليلة المقبلة من اجل اعادة مسار الفريق مرة اخرى الى الطريق الصحيح"..

مصدر تصريحات أحمد شوبير:

https://sport.elwatannews.com/ar/1/1/809726/%D8%A3%D8%AD%D9%85%D8%AF-%D8%B4%D9%88%D8%A8%D9%8A%D8%B1-%D9%85%D8%AD%D8%AF%D8%B4-%D8%B9%D8%A7%D8%B1%D9%81-%D8%A8%D9%8A%D8%B1%D8%A7%D9%85%D9%8A%D8%AF%D8%B2-%D8%A8%D9%8A%D8%B9%D9%85%D9%84%D9%88%D8%A7-%D8%A5%D9%8A%D9%87-%D9%88%D8%B1%D9%85%D8%B6%D8%A7%D9%86-%D8%B5%D8%A8%D8%AD%D9%8A-%D8%A5%D8%B3%D9%85-%D8%A8%D8%AF%D9%88%D9%86-%D9%81%D8%B9%D9%84

Content created and supplied by: W_tito (via Opera News )