تجاوزالإعلامي تامر أمين جميع الحدود في برنامجه المذاع علي قناة النهار بعد هجومه الشديد علي كثير من الفنانين و برر هجومه هذا بأنه رجل شرقي ورجعي و لا يقبل بما يحدث في الوسط الفني ، و أضاف أنه يرفض دخول ابنته أي من الأوساط الفنية لرفضه التام لما يحدث.

و صرح في برنامجه ما يهاجم صعايده مصر مما فتح عليه نار لا تطفئ..

و قال:{ للأسف الشديد و ان أنا بقول هذا الكلام و متزعلوش مني في الريف و في الصعيد في نسبة كبيرة جدا بيخلفوا اولاد و بنات مش علشان يصرفوا عليهم ولا يعلموهم ويكبروا و يتوظفوا او يبقي عندهم فرص عمل ..لا .. ده بيخلفوهم علشان العيال دي هي اللي تصرف علي الأب و الأم.. و أضاف ان في اسر كثير بيخلفوا الولد و اول مايوصل لسن 6 او 7 سنين يرموه في ورشة علشان يتعلم صنعة او يشتغل "فواعلي" او في البنا او في المعمار ، المهم يشتغل اللي بنسميه اعلاميا "بلية" بمعني انه صبي المعلم .. فيروح الاسطي اخر الشهر يدي الولد 500 جنية او 1000 ما هو واد صغير 7 سنين .. وياخد الولد الصغير يرميها في حجر أبوه في لبلد }

و أضاف كلام اخر يخص بنات الصعايدة مما أثار غضب شديد ايضًا ..

و قال { ده بالنسبة للولاد .. طب جالي بنت هغلب ؟ لا .. هدخلها المدرسة أول ما تبقي 8 او 9 سنين اشحن البنت تشتغل في البيوت .. وطبعاً في ازمة في القاهرة و الأسكندرية و المحافظات الكبري في العاملات بالمنازل .. فاشحن البنت لا تستمتع بطفولتها ولا ببراءتها و يطلع عنيها من صاحبة البيت اللي بتشتغل فيه فتضربها و لا تلسعها ولا تعمل بلاوي سودة فيها و الحاجات اللي بنسمع عنها دي و بتشغلها 24 ساعة من غير راحة و بتديها اخر الشهر 1000 جنية و تجري في أخر الشهر بردة ترميهم في حجر أبوها }

وتسببت هذه الكلمات في حالة غضب عارمة لدى أهل الصعيد وانتشرت عشرات الفيديوهات التي ترد على تامر أمين على موقع «يوتيوب» كما علق الآلاف من الصعايدة على الصفحة الرسمية لقناة النهار، مطالبين بإقالة المذيع تامر أمين ومنعه من الظهور على شاشة القناة بعد سبه لفتيات الصعيد.

وردت قناة النهار بفيديو للإعلامي تامر أمين نشرته على الصفحة الرسمية للقناة على موقع التواصل الاجتماعي «فيس بوك» رد فيه الإعلامي قائلًا: «أنا حبيت بس أعمل الفيديو ده بسرعة لأني لقيت حالة من حالات التضخيم والاصطياد في الماء العكر وفيه محاولة للوقيعة بيني وبين الجماهير، خصوصا حبايبنا وأخواتنا وأهالينا في الصعيد والريف، فحبيت أعمل الفيديو ده للتوضيح عشان نقطع الطريق أمام الناس اللي بتصطاد في المية العكرة.. الناس خدوا كلامي اللي بتكلم فيه عن مبادرة السيد الرئيس عبدالفتاح السيسي لوقف الزحف السكاني والتصدي للزيادة السكانية وحاولوا يصوروه على أني بهين أهالينا في الصعيد والريف».

مصادر الخبر.

https://www.elwatannews.com/news/details/5319062

https://www.dostor.org/3087739

https://www.elmashhad.online/Post/details/130519/%D8%AA%D8%A7%D9%85%D8%B1-%D8%A7%D9%85%D9%8A%D9%86-

Content created and supplied by: Ahmedgalal1010 (via Opera News )