Opera News

Opera News App

أسرار الطبخ السحرية من أشهر "البلوجرز" المتخصصين في الأكل

Manar_Maher
By Manar_Maher | self meida writer
Published 20 days ago - 17 views

لكل فتاة بتعشق الطبخ وحابه أنها تكون شاطرة وممتازة فيه وأطعمتك تطلع احلى فإلي كل بيت شاطرة مجموعة من اسرار الطبخ من افضل البلوجرز المتخصصين في الطعام هتخلي الأطعمة تطلع أفضل ومظبوطة معاكي جدا.

1) ليه ضروري الخبز في الفرن بدرجة حرارة دقيقة:

تظبيط درجة حرارة الفرن مهمة جدا لرفاعة وملمس الكيك او المخبوزات بشكل عام, لكن بيكون في افران عديدة لا يوجد بها مؤشر دقيق لدرجة الحرارة وبالتالي ممكن تخبزي الشيء في درجة حرارة مرتفعة او خفيفه وتتلف منك, والحل الأمثل في الحالة دي انك تشتري ميزان حرارة للفرن عشان تقدري تظبطي درجة الحرارة لكل شيء.

2) المتخصصين بيستخدموا صيغ للمقادير عشان يفتكروا الوصفة:

الحلوانية المتخصصين دايما بيستعملوا صيغة او نسب للمكونات عشان يفتكروها وتبسط عليهم الخلطة, مثلا المافن بيريد بيضة واحدة, وقطعة زبدة, وجزئين او ضعف الكمية سائل.

وممكن تشاهدوا جدول النسب ده هيساعدكوا في طرق عمل الحلويات.

3) ازاي تخلي الفراخ طريه:

عشان تعرفي تخلي الدجاج طرية وغير جافه, انقعيها شوية في مية مالحة تكون دافية قبل ما تحمريها.

4) طريقة سهلة البيض في الميكروويف:

لو مستعجلة وعايزة تحضري وجبة فطار فورية, اكسري بيضة او اتنين في كوب وغطيه وحطيه في الميكروويف لمدة دقيقة واحدة بس.

5) استخدمي السيشوار لتجفيف الفراخ قبل شويها:

لو حابه أن جلد الدجاجه يبقى مقرمش ولونه دهبي, قبل ما تضعيها في الفرن او تقليها نشفي الدجاجه بالسيشوار عشان تسحبي الرطوبة الزيادة من الجلد ده هيساهم انها تاخد اللون الدهبي وهتبقى جاهزة بشكل اسرع, والطريقة دي تنفع مع الديك الرومي والاسماك أيضا.

6) طريقة تجميد الشوربات والبقوليات:

عشان توفري في وقتك وتخزني طعام الاسبوع لو بتشتغلي ومعندكيش وقت تطهي كل يوم, بكل سهولة تقدري تجمدي الأطعمة مثل الشوربات او البقوليات وهي مطهية في اكياس محكمة الغلق وتضغطي عليها كويس عشان تخرجي منها الهوا, وبعدين تقفليها وتكتبي على كل كيس اسم الصنف وتحفظيه في الفريزر, ولما تكوني حابه تستخدمي اي صنف خرجيه من قبلها يفك وسخنيه عادي.

7) استخدمي المقص لتقطيع الفراخ:

كلنا متعودين تقريبا على تقطيع الفراخ باستخدام السكينة, لكن في طريقة فعالة اكتر واسرع في التقطيع وهي باستخدام مقص المطبخ, هتقدري تقطعي كل جزء بسهولة وتشيلي حتى الجلد والدهون الزيادة.

8) طريقة سهلة لطهي اللحمة وتحافظي علي نسيجها طري وناعم:

اغمسي اللحمة في مزيج من النشا وبياض البيض قبل ما تطهيها هتخلي نسيج اللحمة يبقى طري وناعم, لان الخليط ده بيحافظ على رطوبة سطح اللحمة وبيخفف فرص انها ممكن تتحرق.

كل اللي هتعمليه هتجففي الاول اللحمة بورق المطبخ وبعدين اغمسيها في المزيج ده وضعيها في التلاجة لمدة 30 دقيقة لساعة, وبعدين اخرجيها واغليها في مية وملح لمدة 30 ثانية وبعدين طلعيها وصفيها, تقدري تحفظيها في التلاجة بالحالة دي لاي وقت تاني تستخدميها, تسلقيها او تعمليها في الفرن او تحطيها مع الخضار, وممكن تعملي نفس الطريقة مع الدجاج.

9) ازاي تعملي التارت طري من جوه ومقرمش من بره

عشان تخلي التارت يطلع مظبوط ويبقى طري من جوه واطرافه مقرمشة من بره, استعملي مقادير باردة, الزبدة الباردة والدقيق البارد والسكر البارد هتخليه يطلع مظبوط معاكي, كمان استعمال المية الباردة في العجن بتساهم على الحد من ظهور الجلوتين.

10) سر لرز مثالي:

سيدات كتير بيفشل معاهم الرز ياما وبيعجن منهم, هنقولك على سر سحري وسهل عشان يطلع معاكي مظبوط, بسهولة بعد ما الرز يشرب ميتة وتوطي عليه النار غطي الحلة بفوطة المطبخ وحطي فوقيها الغطا وسيبيه ينضج, الطريقة دي هتحافظ على الرطوبة جوا الوعاء وهتمنع ان الرز يعجن او يبقى كتل وهتلاحظي كل رزاية لوحدها بعد ما ينضج.

11) نضفي الجريل بالبصل:

حتي تتخلصي من اي حاجة لاصقه في الشواية بعد استعمالها, بسهولة استعملي البصل, كل اللي هتعمليه اقطعي بصلة لنصين وامسكيها بشوكة وافركي بيها الشبكة بتاعة الشواية وهي سخنة هتلاحظي نضفت وشالت اي حاجة لاصقه فيها.

12) طريقة لطهي المكرونة بسرعة:

الطريقة دي للمكرونة او النودلز, حطيها في كيس محكم الغلق فيه مية باردة ودعيها لمدة ساعة ونص وبعدين اخرجيها واسلقيها, الطريقة دي بتخلي المكرونة مرنة ومبلولة وفي نفس الوقت جافه شوية ومحتفظه بمظهرها, والنشا اللي فيها مش متفعل, وبالتالي لما تيجي تطهيها مش هتلصق في بعضها من غير حتى ما تضيفي لها زيت ومش هتاخدي معاكي دقيقة واحدة على النار وهتلاقيها نضجت.

13) ازاي مقدار اابيض بيأثر المعجنات:

البيض بيأثر على نسيج العجينة من حيث الكثافة والخفة, ومذاقه ولونة ورطوبتة, يعني على سبيل المثال لو العجين من غير بيض هتلاقيه مكبوس اوي ولونه باهت, بعكس العجينة اللي فيها بيض هتلاقيها هشة وخفيفة ولونها دهبي اكتر.

14) نصيحة سهلة عشان تحافظي علي صدور الفراخ طرية:

حتي تكون صدور الدجاج طرية وناعمة لو عايزة تشويها في المقلاه على البوتجاز من فوق, قطعيها نصين هتبقى ارق وبالتالي ده هيخليها تنضج بشكل اسرع بالتساوي من غير ما تجف منك.

المصدر:

https://banat7wa.com/2018/09/05/%D8%A7%D8%B3%D8%B1%D8%A7%D8%B1-%D8%A7%D9%84%D8%B7%D8%A8%D8%AE-%D9%85%D9%86-%D8%A7%D8%B4%D9%87%D8%B1-%D8%A7%D9%84%D8%A8%D9%84%D9%88%D8%AC%D8%B1%D8%B2-%D8%A7%D9%84%D9%85%D8%AA%D8%AE%D8%B5%D8%B5%D9%8A/



Content created and supplied by: Manar_Maher (via Opera News )

Opera News is a free to use platform and the views and opinions expressed herein are solely those of the author and do not represent, reflect or express the views of Opera News. Any/all written content and images displayed are provided by the blogger/author, appear herein as submitted by the blogger/author and are unedited by Opera News. Opera News does not consent to nor does it condone the posting of any content that violates the rights (including the copyrights) of any third party, nor content that may malign, inter alia, any religion, ethnic group, organization, gender, company, or individual. Opera News furthermore does not condone the use of our platform for the purposes encouraging/endorsing hate speech, violation of human rights and/or utterances of a defamatory nature. If the content contained herein violates any of your rights, including those of copyright, and/or violates any the above mentioned factors, you are requested to immediately notify us using via the following email address operanews-external(at)opera.com and/or report the article using the available reporting functionality built into our Platform

قد يعجبك

"إيران وخدعة الحرب العالمية الثالثة".. إسرائيل تسعى لضرب التقارب الإيراني الأمريكي المحتمل لترويض بايدن

47 minutes ago

11 🔥

4 علامات خارجية يمكنك أن تميز بها البطيخة الحمراء الحلوة

54 minutes ago

16 🔥

4 علامات خارجية يمكنك أن تميز بها البطيخة الحمراء الحلوة

وزير الخارجية يحذر إثيوبيا من أي تحرك غير مسئول.. وهذا المقترح رفضته مصر

1 hours ago

120 🔥

وزير الخارجية يحذر إثيوبيا من أي تحرك غير مسئول.. وهذا المقترح رفضته مصر

انفجار خط غاز بأكتوبر و10 سيارات إطفاء تحاول اخماده.. وانقلاب أتوبيس بمدينة العاشر

3 hours ago

108 🔥

انفجار خط غاز بأكتوبر و10 سيارات إطفاء تحاول اخماده.. وانقلاب أتوبيس بمدينة العاشر

قصة.. سربت الغاز وغلقت باب الحمام على زوجها إلى اختناقه.. ثم اشتعلت به النار.. والسبب صادم

4 hours ago

54 🔥

قصة.. سربت الغاز وغلقت باب الحمام على زوجها إلى اختناقه.. ثم اشتعلت به النار.. والسبب صادم

طريقة عمل الكبدة الاسكندراني بمكونات بسيطة

5 hours ago

79 🔥

طريقة عمل الكبدة الاسكندراني بمكونات بسيطة

قصة.. وضع ابنه الصغير في جوال ثم ألقاه في البحر.. وعندما تم القبض عليه أخبر الشرطة السبب

5 hours ago

116 🔥

قصة.. وضع ابنه الصغير في جوال ثم ألقاه في البحر.. وعندما تم القبض عليه أخبر الشرطة السبب

"13 خطوة لتراخيص الأبنية" وتعرف على التكلفة والمستندات المطلوبة

6 hours ago

13 🔥

الجبنه الكريمى وجبه السحور الشهيه والقيمه الغذائيه

17 hours ago

10 🔥

الجبنه الكريمى وجبه السحور الشهيه والقيمه الغذائيه

في عام 1986 بحيرة في إفريقيا قتلت 1800 شخص.. سر البحيرة القاتلة

1 days ago

58 🔥

في عام 1986 بحيرة في إفريقيا قتلت 1800 شخص.. سر البحيرة القاتلة

تعليقات