شريف بنطلونه اتقطع.. سبب بكاء داليا مصطفى في حفل زفافها

هي بلا شك واحدة من انجح زيجات الفنانيان، هي زيجة النجمة داليا مصطفى والنجم شريف سلامة، التي تمتد لأكثر من 17 سنة زواج وقرابة 23 سنة حب، البداية كانت من صداقة تجمع شريف سلامة بشقيق داليا مصطفة، ثم تزامل الثنائي في المعهد العالي للفنون المسرحية.

وقالت داليا مصطفى لللإعلامية منى الشاذلي: "كانت خايفة جدا من فكرة الزواج رغم إني معروفة بين عائلتي بتحمل المسؤولية، ووتمت الخطبة أثناء دراستنا في الفرقة الرابعة في المعهد، تقول داليا لمنى الشاذلي: "وفي سنة تالتة أنا سقطت عشان خاطر شريف لأن شريف في سنة تالتة مكانش له مزاج يتخرج وقال هتخرج أعمل إيه وقولت له يا حبيبي يهديك يرضيك مرضيش أبدا، وصمم إنه ميدخلش الامتحان فسقطت نفسي في مادتين نظري عشان أعيد معاه السنة بدل ما أسيبه لوحده يعني لأنه صعب عليا".

وبعد التخرج تم الزفاف، وقالت داليا أثناء رويها مواقف من حفل زفافها، في عام 2004، خلال لقائها مع الإعلامية لميس الحديدي في برنامجها "القاهرة تحكي" المذاع على قناة "العربية الحدث: " والله يا لميس، أنا دخلت في نوبة بكاء شديدة جدا يوم فرحي، أصلي تأخرت كتير قوي علشان أروح قاعة الفرح، وصلت ساعتها 11 إلا تلت.. بسبب الصحفيين اللي كانوا موجودين بيصوروني وكنت مكسوفة أقولهم أمشوا.. بس عيطت بعد كدا عشان عاوزة ألحق فرحي، وبصراحة الفرح كان حلو وكان فيه كل حبايبنا وأخواتي وأخوات شريف، فكنت عاوز أروح أتصور وأفرح معاهم".

وضحكت داليا وهي تتذكر المواقف الطريفة في حفل زفافها الذي يمر عليه اليوم 17 سنة زفاف: "شريف بنطلونه اتقطع في آخر الفرح.. جه يقعد فاتقطع فكان عاوز الناس تمشي عشان يعرف يقوم ويمشي، وأنا كل ما أفتكر موقف البنطلون دا أضحك، لكن والله هو أحلى يوم في حياتي، هو أحلى يوم في حياة أي بنت عموما".

ورغم النجاح الذي يحققه كليهما، إلا أنهما لا يعملان سويا، وأعربت داليا مصطفى في تصريحات لأخبار اليون، عن أمنيتها بأن يجمعها عمل من زوجها الفنان شريف سلامة، متمنية له النجاح في عمله الجديد مسلسل «أسود فاتح» مع الفنانة هيفاء وهبي.

داليا مصطفى تكشف عن بداية قصة حبها لشريف سلامة | ET بالعربي