Sign in
Download Opera News App

 

 

اسما شريف منير : مستعدة اتجوز لتالت مرة .. ده حقي حتى لو اتقال عليا مزواجه


كتبت / انجي محمد نجيب

بعد ان اعلنت الاعلامية اسما شريف منير خبر انفصالها ، وطالبت من الاعلام و الجمهور احترام خصوصيتها ، فقلد قررت ان تعطي نصائحها لجميع السيدات الذين قد مروا بنفس ظروفها واء مطلقة او أرملة او لم تتزوج حتي الان .

و أوضحت اسما في بوست نشرته علي صفحتها الرسمية علي الانستجرام " انا بشر يتألم وبزعل بعيط بغلط باثور وحياتي مش بمبه مسخسخ بس برده ربنا اداني طاقة ايجابيه واداني دعم كثير منها انتم حبكم لي ودعواتكم لي دي نعمه كبيره قوي والشهره اللي ربنا اداها لي برده تكون ان ابويا اعظم ربنا يحفظه ويخليه لي ويبارك في عمره تعب في مشواره وده سهل وجودي ومعرفه الناس بي ولا انا عارفه ان في جزء كبير حبوني لمجرد انهم بيحبوه كل ده برضه عشان سبب "... ...

 

 وإستطردت اسما قئلة "اول مره انفصلت واتكلمت في موضوع طلاقي ساعد ستات كثير ان هم يحسوا انهم مش لوحدهم وانهم ممكن يقفوا على رجليهم ثاني ويشتغلوا ويتخطوا الألم ولما اتجوزت وكنت مطلقه ومعي بنت حاسوا ان في امل و انهم مش معيوبين ولا ناقصهم حاجه عشان يستخصروا في نفسهم السعاده و بدايه حياه جديده لانه ده حلال ربنا مهما المجتمع بيصعب الامور على المطلقه او الارمله او الست اللي تأخرت في الجواز ده حق ربنا اداهولنا عشان عارف اكيد ان ممكن ناس ما تكملش مع ناس او تتعب في علاقه مع حد وحاليا بعد ما القصه اللي ادت ناس كثير امل ان في حب وعوض انتهت ناس كثير بعتت لي ان الخبر خلاها تحس بيأس وفي ناس احبطت ..

 

و استكملت : " وده وقفني لحظه كده وحسيت بمسئوليه طب نرجع بقى للشهره اللي ربنا اداها لي اكيد لها سبب اكيد في سبب وجودي في الدنيا فقلت لازم اقول الكلام ده وهو من اعماق قلبي بعد اللي حصل اكيد زعلانه واي فراق بيكون وجع وبيسيب فراغ وبيعمل برجله بس ساعات بيكون سيناريو رباني بسبب اكبر مننا احنا مش فاهمين ليه دلوقتي بس بنفهم قدام.

.

 

واعترفت اسما : "انا شخصيه مندفعه في مشاعري الجياشه اللي ساعات بتكون سبب وجعي و بحب قصص الحب وبتفاعل بكل حواسي دائما قلبي بيحركني برج الحمل كما قال الكتاب لكن المره دي فكرت كثير بعقلي وحسيت اني عندي مسؤوليه تجاه الستات اللي بتبعني في الاول كنت مكرره اختفي من السوشيال ميديا شويه حلوين واعزل نفسي وأروق على مهلي بس حسيت ان في ناس بتستمد طاقتها مني و بتقارن نفسها بيا عشان بنعدي بنفس الموقف مثلا فبتكون عايزه تشوفها هعمل ايه اوساعات برده عشان لما حد بيشوف بلاوي الناس تهون عليه بلوته ربنا حطني في اختبار حاليا ابتلاء قعدت اقرا و اتفرج على حاجات تساعدني فقلت اقول لاي ست بتعدي بنفس الموقف انا باعمل ايه حاليا.

وأوضحت : "اولا لقيت ان احسن حاجه انى أترمي بين ايد ربنا وأرضى بقسمتي ونصيبي اللهم لا اعتراض بس في نفس الوقت و مستسلمش عشان مهما حصل الدنيا هتكمل حتى لو انا وقفت الدنيا هتفضل تدور كده كده واللي بيطبطب دلوقت برده عندهم حياه ما حدش هيسيب حياته عشان حد لازم اشوف اكل عيشي عشان عندي مسؤوليات وارواح مسؤوله مني اولهم بنتي والست اللي بتيجي تساعدني في البيت حتى كلابى وقططى وغيرهم. .

 

و استطردت اسما : "قلت زي ما بتعامل مع الحياه بايجابيه لازم افصص الكبوه دي وأشوف الحلو فيها برده لان كثير ربنا يبعد عننا حاجه وحشه حتى لو في حاجه تتعب وتوجع كل حاجه جوه دماغنا ممكن نتحكم فيها اون تحكم نشوفها ونتعامل معها ازاي مش معنى ان الزعل هيتمسح ولا فجاه هيتنسي بس هتقوم زعلك عشان ما يظهرش اه لازم دي نفسنا وقتنا في الزعل بس يكون جواك ميزان صغير يفوقك عشان الاكتئاب ممكن يقتل صاحبه . .

 

 وأكدت اسما : "لاخر نفس في عمري مش هفقد الامل في الحب ولا لمة العيله الصغيره اللي باحلم بها ولا اقول الناس كلها وحشه ابدا رغم ان في ناس هتقول خلاص بقى عيشى لبنتك وخلاص بقى مرتين كفايه قوي كده اه بقى دي مزواجه اودي اكيد العيب فيها ايا كان الناس هتسميني ايه ده حقي وحلال ربنا هو كده كده الكلام ده لسه بدري قوي عليه لاني محتاجه وقت أتعافى واقف على رجلى ثاني بس الكلام ده لحد في نفس موقفي و خائف من كلام الناس ما حدش يقدر يحدد لك ده طالما حلال وربنا موافق ما حدش له حقه ولا كلام الناس يفرق بدل ما تغضب ربنا في المداري اعملي الصح ده ستر وحقك مش بالعدد خالص.

 

" اما بقى لو زي في التوقيت قربي من ربنا اكثر من العادي اشتغلي على عيوبك و نفسك طوري نفسك اشتغلي او ابتدي شغل اتعلمي حاجه جديده تنفعك العبى رياضه عشان تطلعي طاقه الزعل ادعي كثير الدعاء يغير القدر مش عشان يرجع عشان تنسى عشان تقوى وتبقى قد المسؤوليه متعوديش تراقبيه ولا تبعتي حاجه ولا تسألي الناس عليه ولا تروحي الاماكن اللي بتفكرك بيه دي مش قساوه ودي عشان لو فعلا حصل طلاق من غير راجعه ما تقفيش مكانك وتتعبي اكثر حاوطى نفسك بناس بتحبك قربي من اهلك حبى نفسك ومش حب نرجسي لا حبى نفسك لو اهملتيها حبى نفسك عشان تقدري وتكملي والناس تبدل لك الحب ده لو قاعده في السرير مش قادره تقومي هتقصري وتتعطلي و هتندمي ازعلي بس انتجي حتى لو طبخه حتى لو هتنظفى كل البيت رتبي كل البيت ده بيطلع طاقه جباره وهتلاقي نفسيتك مرتاحه لو البيت رايق اسمعي قرأن كثير..

 

"اللي حصل ده علمني كثير لان الفشل في اي حاجه بدايه نجاح ده شيء اكيد والله الحياه هتبقى احسن ده إيمان القوي بربنا ان مع العسر يسر ما فيش زعل أو وحش بس اي حاجه صعبه اخرتها فرج ما دائم الا وجه الله وبحبكم قوي وبشكركم على دعواتكم وكلامك مواساتكم لي في ميزان حسناتكم ربنا ما يحرمني منكم وإجمدى كده الكلام ده لكي وليا

المصدر : https://www.instagram.com/tv/CNYlpzHFYx7/?igshid=1sjbqh19em70g

Content created and supplied by: Engi.mohamed.naguib (via Opera News )

تعليقات

قم بتنزيل التطبيق لقراءة المزيد من التعليقات