Sign in
Download Opera News App

 

 

بعد ٨ سنوات من عرضه.. أيمن بهجت قمر يعتذر لأسرة "سمير أبو النيل"

كتبت انجي محمد نجيب

كشف الشاعر و المؤلف أيمن بهجت قمر عن إعتراف خاص بأعماله حيث أكد انه يستوحي العديد من الاسماء الخاصة بشخصيات الافلام التي يقوم بتأليفها بأسماء حقيقية لشخصيات مرت عليه في حياته .



و نشر قمر تدوينة علي حسابه الرسمي علي الفيس بوك قائلا :" انا عندي عاده اخدتها من والدي ومن مؤلفين كتير الاستعانه بأسماء صحابهم الغير مشهورين في الافلام وعملتها كتير في ابن القنصل واكس لارج واسف على الازعاج ومن ٣٠ سنه الخ الخ حتى فيلم سمير أبو النيل مسميه على اسم عم سمير أبو النيل صديق والدي وكان راجل جميل ولطيف ومن اطيب الناس وكان وفي جدا لوالدي وانا حبيت أأرخ إسمه من محبتي له واتكلمت قبل كده في برامج وقلت الكلام ده ووضحته.


و استكمل قمر : " بس امبارح اكتشفت ان الموضوع ده مضايق أسرته واللي ما اقبلوش على اسرتي ما اقبلوش على غيري ودول اخواتي وبينا كل خير وتقدير وعشره عشان كده بعتذر لهم لو اسم الفيلم أو الشخصيه ضايقهتم.

و استطرد ايمن :" هو طبعا تشابه في الاسم فقط يعني مش بنشخصه ومالوش اي علاقه بيه لا في التفاصيل اللي في الفيلم ولا بالشخوص اللي حواليه زي اخوه او اهله ولا دي اساميهم والفيلم اساسا بيدور في فترة مابعد ثورة ٢٠١١ وكان عم سمير متوفي من قبلها بكذا سنه.. يعز عليا ان الموضوع ده يكون مضايقهم وحقهم على راسي كمان وهبطل اعمل كده لو الموضوع حساس'برغم سعادتي الكبيره وانا شايف اسم عم سمير على الافيشات في الشوارع ورمضان كريم" .


و في السياق ذاته علق عدد من اسرة سمير ابو النيل الحقيقي علي تدويته حيث قالت وفاء سمير ابو النيل :" بشكرك على تقديرك للموقف يا أستاذ أيمن، إحنا مقدرين إعتذارك جداً " ، فيما قال أحمد سمير أبو النيل :" بشكر حضرتك يا أستاذ أيمن على إعتذارك ، و ده يدل على إنك إنسان محترم قبل ما تكون فنان كبير، يعني كويس إنك لسا مقدر و اعتذرت... بس يمكن انا الشخص الوحيد اللي متفهم قصدك الحقيقي، و عارف إنه عمل فني و مش شرط يكون مطابق للواقع، لإنه في الأول و الاخر هوا فيلم معمول في سياق كوميدي خفيف.. شكراً لـ حسن نيتك و إنك حبيت تكرم الأسم و تسجله بـعمل فني ، ده شيء أنا مقدره جداً".

و علقت شيماء سمير ابو النيل قائلة : "اشكرك يا ايمن ، علشان الاعتذار الجميل ولك مني ومن الأسرة كل الحب والتقدير ، وطبعا الاعتذار على راسي، اتمنى تقدر تعمل جزء تاني للفيلم بالاسم والشخصية اللي انت كاتب تفاصيلها اكتر من رائعة ، و جاء رد دعاء سمير ابو النيل قائلة :" ياايمن انت قامه كبيره وحاجه غاليه عندنا وانت عارف وعارفين انت بتحب بابا ازاي وانك تعمل فيلم يشيل اسمه اكيد حاجه كبيره بالنسبه لينا وتشرفنا بس اللي زعلناا منك ان بابا كان اعظم واجمل من كده وده بس اللي ضايقنا كان لازم نعمل مبرر للناس ان دي مش شخصيه بابا وان اسمه بس اللي اتاخد ولحد دلوقتي بنعمل كده تعبتناااا معاك .. بس احنا بنحبك برضو وكفايه كلامك الجميل ده وكل سنه وانت طيب".


المصدر : ايمن

Content created and supplied by: eg.studio.opera.com (via Opera News )

تعليقات

قم بتنزيل التطبيق لقراءة المزيد من التعليقات