Sign in
Download Opera News App

 

 

صحفييون يفتحون النار علي "محمد فراج" ... و ريهام سعيد : ليه حق "يتهرش"


كتبت انجي محمد نجيب

هاجم عدد من الصحفيين الفنان محمد فراج بعد ان وصفوه بإنه مغرور و يتعامل معهم بتعالي و لا يريد ان يقوم بعمل اي حوارات أو تصريحات إعلامية ، حيث كتبت إحدي الصحفيات في بوست لها علي الفيس بوك "الفنان المحترم "محمد فراج" اللي كنت بحبه كفنان كشخصية ذاكرتها عشان اعمله حوار محترم..يكلمني بكل تناكة و قلة ذوق و قلة تقدير واحترام .

و استطردت الصحفية :" وده لأني بكل بساطة بعتله واتساب عشان مش عارفة ظروفه ممكن يكون بيصور أو مش فاضي عشان ميتقالش عالصحفيين "زنانين" يقوم يتصل بيا وبيزعقلي ويغلط فيا ويقولي إيه الهبل ده و إيه السذاجة ديه وانا ال بتصل بيكي!!!! ومبعملش حوارات بالأسلوب ده و إيه اخرسيتي ليه!!! واقفليي ياختي كأننا بنلعب مع بعض مش بنشتغل!!! .


و استكملت الصحفية الواقعة قائلة :" واقوله حضرتك بتغلط فيا يقولي لا انتي حساسة زيادة عن اللازم!!!! ..

انا عايزة أفهم امتا هنحترم الصحفيين أثناء تأدية عملهم وواجبهم ناحية شغلهم...احنا مضطرين نتعامل مع فنانين فا ده مش ذنبنا ان حد يعاملنا بالأسلوب ده .


و تضامن معها عدد من الصحفين بعد ان سردوا عدد من الوقائع المشابهه مع نفس الفنان حيث أكد احدهم " هو محمد فراج ليه مصمم يعمل عداوة مع الصحفيين .. مش اول مرة يتعامل ب قله ذوق مع صحفي او صحفية عملها كتير .. لازم فعلا وقفه من الصحفيين كلهم ومحدش يغطي اخباره ولا ينزل ليه حتي خبر لحد مايتعدل .

و استطرد الصحفي معلقا :" كذا مرة قولنا إحنا بنكمل بعض ، وعلى فكرة اللي بيعمل الحركات دي بيكون في الغالب عنده نقص ،ف يا استاذ محمد فوق فوق فوق انت مش علشان عملت كام دور بقيت احمد زكي .. شوف النجوم بيتعاملوا ازاي استحاله تلاقي نجم بجد بيعمل حركات النقص دي"


و كان هناك تعليق لإحدي الصحفيات قائلة : " عمري ما هانسى اما كلمته من سنه وقال لي انا هستفاد منك ايه بقى" .

فيما علقت الاعلامية ريهام سعيد علي تدوينة أحد الصحفيين قائلة عنه :" فتحت له بيتي وهو لسه بيبتدى وما كانش مصدق اني باقول له انه ممثل جامد وما كانش بيقول لي غير حضرتك شفتو 20 مره بعدها اعمللي معامله ال... معلش ما هو برده الشهره والنجاح جم بسرعه ومن غير تعب ليه حق يتهرش لو فنان بجد واثق من نفسه ما يعملش كده " .



المصدر : فيس بوك ، انستجرام , فيس بوك

Content created and supplied by: eg.studio.opera.com (via Opera News )

تعليقات

قم بتنزيل التطبيق لقراءة المزيد من التعليقات