هى الوحمه دى هتفضل فى وشك على طول مفيش أى حاجه تخفيها ؟

كنا زى أى اتنين اتخطبوا وكان دايما فى بينا لقاءات وفى مره من المرات لاحظته ان خطيبى مش طبيعي وكنت بشرب عصير فاضطريت انى مشربش فجأه وشيلت كوبايه العصير من على بوقى وحطيتها جنبى

سالتة مالك لقيته بيقولى منا قولتلك اكتر من مرة مفيش اى حاجه تخفي بيها الوحمة دى استغربت جدا لان دى مش اول مره يشوفنى وليه دلوقتى قال كده رديت عليه بكل تلقائية ان دى حاجه من عند ربنا وجزء من وشى مبتخفهاش اى حاجه غير مستحضرات التجميل وتخفيها مؤقتا ومسافة ما هغسل وشى هتظهر تانى

رد عليا بطريقة انا استغربتها جدا وقالى طب ماتعملى كده على طول مش بتعملى كده ليه ؟بصراحة بصتله باستغراب وقولته ثوانى بس ايه الطريقه دى ؟ هو انت مضايق ؟وكعادة مدمني السجائر راج مطلع سيجارة وولعها وخد نفس ومردش عليا رحت سالته مرة تانية ماترد عليا فهمنى خليك صريح معايا هو انت مضايق من الوحمه اللى فى وشى؟!

وهنا كانت الصدمة بنسبالى لما رد عليا وقالى رانيا الصراحه انتى انسانه طيبه وجميله ومحترمه العيب الوحيد اللى فيكى الوحمة اللى على عينك وخدك دى انا مبقتش قادر اتأقلم على الموضوع ده و لمحتلك كتير وانتى بتاخدى الموضوع بهزار وتقفليه أنا عاوز اللى هتجوزها يبقى وشها طبيعى زى اى ست

مكنتش قادره اسيطر على اعصابي حسيت ان مياه نار اندلقت على جسمى بس مسكت نفسى بالعافيه وسالت طب وخطبتني ليه من الاول ؟ يرد عليا ويقولى كنت فاكر انك ممكن تعملى اى حاجه تدارى بيها العيب ده عمليه او اى حاجه ­ ­ ­ ­

انا كنت فى حالة ذهول و بتلقائية رديت وقولت عيب ­ ده انا ربنا ميزه بحاجه معينة ­­في شكلى مين يدى الصلاحية لاى حد فالكوكب يقول انه عيب او يضايق من شكلى ؟ لو فاكر اني معيوبه عشان ربنا ميزنى بحاجه ومش بأيدى فأنت محتاج دكتور نفسانى لأنك عندك أضطراب نفسى ومحتاج علاج للأسف أما أنا عيوبى اللى انت شايفها دى مميزانى واحسن من مميزاتك اللى انا كنت شيفاها وللاسف مطلعتش الراجل العاقل المتحضر اللى كنت شيفاه قدامى طول الوقت لا طلعت راجل بتاع مظاهر وبس بس أنا مبسوطه ان ربنا كشفك قدامى دلوقت لما كنت بتفتح

الموضوع دة كتير كنت بقول انك مهتم عادى وحاجه حاببها فيا وبقلب الموضوع هزار من حسن نيتى اما دلوقت عرفت انك كنت متضايق وده اللى شوفته فى نبرة صوتك وتعابير وشك واضطريت انى اقلع الدبله وحطتها قدامه كده ملكش حاجة عندى تانى مكنتش فرصه سعيده لا كانت تجربه فاشله بس علمتنى كتير

Content created and supplied by: [email protected] (via Opera News )