Sign in
Download Opera News App

 

 

دينا الشربيني.. دخلت السجن وتعرضت للخيانة وتركها الهضبة.. محطات في حياة ضحية رامز جلال اليوم

من المنتظر أن تحل الفنانة دينا الشربيني كضيفة وضحية للفنان رامز جلال اليوم، من خلال برانامجه "رامز عقله طار" المُذاع على فضائية mbc مصر.

وبدأت حياتها كمذيعة شبابية، في 2006، ببرنامج «شبابيك» ومن ثم «عز الشباب» على قناة روتانا، عرفها الجمهور بطلتها المتيزة، وخفة دمها، وظهورها بطبيعتها وتلقائيتها، قبل أن تطل علينا كممثلة بمسلسل "المواطن إكس" الذي أكسبها شعبية كبيرة.

وشهدت دينا خلال حياتها الكثير من المحطات الصعبة، على الرغم من الانتعاشة الفنية التي تعيشها، إلا أنها مرت بالكثير من التخبطات، والمشاكل، والأزمات، التي لا تخجل منها بل وتتحدث عنها، كما لو أنها تسجل مراحل كفاحها.

 

دخول السجن


في فبراير 2014؛ قضت محكمة جنايات القاهرة، بمعاقبة دينا الشربيني بالحبس سنة مع الشغل والنفاذ وغرامة 10 آلاف جنيه لاتهامها بتعاطي الكوكايين.

وتحدثت خلال حوارها ببرنامج "فحص شامل" عن فترة دخولها السجن؛ قائلة: "ريهام عبد الغفور مكنتش صاحبتي قبل المشكلة، وبعدها بقينا صحاب جدا، والحمد لله من الناس اللي حواليا موقفش جنبي، الناس اللي خذلتني قليلين جدا، ربنا بيحبني وأنا متأكدة في عدله وعارفة إن حقي هيرجعلي".

أضافت: "الموقف خلاني كويسة وأقوى، وكل حاجة بتحصل لسبب، وأنا عندي قناعة إن ربنا مبيضعيش حلم حد، اللي اتظلم ربنا هيجيبله حقه لحد عنده، وأنا اتظلمت جدا، ولم اعترف إطلاقا كما تردد، وأنا مش هتكلم في الموضوع ده وهكشف كل التفاصيل غير لما يجي الوقت المناسب".

 

اتخانت من حبيبها وصديقتها

قصة موجعة عاشتها الفنانة، بعدما اكتشفت خيانة خطيبها مع صديقتها، كانت سردتها من قبل مع الإعلامية، راغدة شلهوب عبر قناة "الحياة".

قائلة: "أول ما شوفتهم روحت البيت، معملتش أي حاجة، اتكلمت بعدين، مقدرتش أواجه حتى، اتضايقت منها أكتر منه بكتير، أنا ممكن أتوقع من أي راجل أنه يعمل كده، لكن مكنتش متوقعة أبدا إن صاحبتي اللي عايشة معايا وقريبة مني أوي إنها تعمل كده، ده اللي وجعني، هي وجعتني أكتر منه رغم أنه خطيبي".

وتابعت: "كنت بحكيلها بعشم جدا، كنت معرفاها بيحب إيه وبيكره إيه، اديتها المفتاح وطريقة الاستخدام هدية، وصديقتي دي رجعت كلمتني بعد سنتين تقريبا، كانت مبرراتها إن كده كده كانت شايفة موضوعي معاه بايظ ومش هتفرق وكأنها فاعل خير، هو فضل خلال السنتين وأكتر يحاول نرجع، لكن أنا كنت خلاص نهيت الموضوع، لازم ننهي الموضوع خاصةً لما يكون الموقف بيتكرر وبنعدي كتير".

عمرو دياب

جمعت علاقة حب بين الهضبة عمرو دياب والفنانة دينا الشربيني منذ ديسمبر 2016، واستمرت نحو 4 سنوات كاملة حتى انتهت علاقتهما التي لم تعلن طبيعتها؛ بسبب وجود خلافات كبيرة بينهما، في نوفمبر الماضي، حسبما أعلن الإعلامي تامر أمين والإعلامية بسمة وهبة وغيرهما.

المصادر

https://honna.elwatannews.com/news/details/2105077/دخلت-السجن-واتخانت-وتركها-الهضبة-محطات-في-حياة-ضحية-رامز-عقله-طار-اليوم

https://www.masrawy.com/arts/zoom/details/2021/3/17/1988885/7-محطات-فارقة-في-حياة-دينا-الشربيني-تهديد-والدتها-ودخول-السجن-وعمرو-دياب

Content created and supplied by: eg.studio.opera.com (via Opera News )

تعليقات

قم بتنزيل التطبيق لقراءة المزيد من التعليقات